香港新浪網 MySinaBlog
« 上一篇 | 下一篇 »
白雪 | 26th Jun 2014 | ●•出走雪堡•● | (4974 Reads)
又是另一個免費遊樂體驗。

先前做資料搜集,知道首爾除了兒童大公園其實還有數個有名樂園,然而當調查到兒童大公園是免費的,就二話不說下決定了。
除了為荷包著想,慈母又想到自己身為韓國國民,他日仲有大把機會還鄉,所以旅遊策略可以按部就班,這樣才會愈玩愈覺得好玩。

兒童大公園有正門和後門兩個入口,如果想即時把細路放電,建議由後門直入到遊樂場玩餐飽;
但慈母的 鬼計 編排是先行公園動物園,當大人行到筋疲力盡,就迅速掉小孩到遊樂場去。 

由鐘路5街站坐地鐵7號線便可以直達兒童大公園站,等車到時阿躉玩人肉韆鞦;


10分鐘的車程就到站,一出閘見到整個車站舖天蓋地都是公園主題的壁報設計,大家心情都非常興奮,即刻遊客上身;

兒童大公園,是韓國好多幼稚園和小學的旅行勝地,當日真有見到幼稚園生來遊玩,好可愛~
 
雖然是免費入場,但門口一樣有精美樂園地圖、設施介紹、優惠卷等小冊子供你免費取閱,質地印刷絕對能媲美我們的海洋公園,地圖架就在正門右手邊洗手間外面(忘記拍照);

向著動物園方向走,首先我們經過呢個童話樂園.長生柱村;

裡面有一些貌似妖魔鬼怪的木頭人,阿躉無有怕四圍走,捉到家丁氣來氣喘;

而anson就有點面青青,有催促我們快點離開;
不過見到公公和姨姨在討論呢個類似『牛朗織女』人像時又突然興致勃勃地參與研究工作;
後來anson跟我說了一遍的故事,還拍下韓文說明,可能是想回去google translate XD; 

(photo by anson)

離開妖怪村,穿過一個拱形攀籐隧道,走過一條之字形的木橋再向前行,就看到呢個動物表演館; 

離show time還有接近半小時,家丁去小食部買了兩個pizza安心等吃,誰知一等就是20分鐘(!)pizza出爐後各人簡直要『灌』才趕得及入場,食到個個來自星星的眼(好辣口呀)
芝士批超級好味,熱辣辣又軟綿綿,仲送芝士醬和黃瓜小食~
 
(photo by anson)

動物show由兩個韓國人主持,開場白和旁白我們只能陪笑,不過他們的生鬼動作和滑稽舞蹈也有逗樂四枚港孩;
 

沒有高難度的表演環節,反而動物們會整古造怪地閃現出場,呢隻獅身馬面像出場時博得全場大笑;

還有呢隻鱷魚頭馬騮底;
 

門卷港幣50蚊不到,有猴子、海獅、海豹、企鵝、葵鼠、貓和鼬鼠為你載歌,鸚鵡和白鴿為你飛舞(真係會突然在你頭頂飛過)認真值回票價!

 

看完show,館外不遠處就是北極熊館,我們參觀時剛好是北極熊的放監時間,可以近距離看牠玩水吃蘋果;
鑽入館底會見到海豹在暢泳,如果北極熊也跳進水就可以看到牠游水啦~

見到北極熊在廿幾度下曬大陽,實在覺得有點虐待,看了一會就離開。 

之後就在到鹿馬牛羊棚;


棚外有飼料販賣機,每盒W1000,我們買了一盒黃一盒綠,準備慢慢玩~

原來韓國國民都會自攜蔬果來體驗餵食的(呢點和香港的動物園好唔同!)


所以阿鹿完全看不起我們的科學糧,躉餵來餵去都失敗,婆婆就緊張起來,索性捉著阿躉隻手塞給鹿群,名符其實:『餵鹿』XD;

後來博得國民弟底的一片蘿蔔,餵食成功!
 

動物們近得有點可怕,慈母還是第一次近距離見斑馬,原來斑紋是如此清晰分明;

躉都好喜歡咁樣樣;

 
而且動物棚只是一部份有圍欄,你喜歡的話伸長條頸就可以錫阿羊一啖;
 

然後來到猛獸區 - 豹館,第一次親眼見大肚豹媽;

果然懷孕的婦女都是世界上最美的動物,我和anson都著迷了~ 

豹館外有個架假車,躉猛叫假熊叔叔:開車呀開車呀!


大象就要比較遠觀;

狒狒棚是露天的;


為了試長鏡我呆了很久;
 

還有企鵝館和鳥館,無人耶~~

兔仔棚、羊棚、鼠棚全部都是露天;
 離遠見到駱駝,婆婆即時如臨大敵,說有SARS禁止我們靠近XD;

Anson玩了一次騎騾仔,慈母就泛起了三年前去墾丁anson騎馬馬的情景,阿歌愈來愈大個仔啦!
                                  2014                                                                2011
 

走到呢度,大人果然筋疲力盡,小孩就轉戰呢個沙地遊樂場;



整個玩瘋了~

因為是平日,遊人不多,有太陽又有微風,我們行得十分舒爽;


幾乎每個地方都可以慢行細看,無需走馬看花;


不要以為免費的就會被待薄,從韓服體驗到今次大公園遊樂,慈母真心感到韓國對旅遊業的誠意。 

首爾兒童大公園
交通資訊
地址 首爾市廣津區陵洞路216
地鐵 5號線峨嵯山站3, 4號出口即可到達   
7號線兒童大公園站1, 2號出口即可到達    

(待續) 

Picture小雨點點滴
Anson呢日有拎相機
睇動物show時一路掛住影相拍video
成個佢阿媽咁樣樣XD
所以喺動物園細路相好少,我一味狂試新鏡頭影遠野影動物
影到有時見到成班人等我一個,真係唔好意思
不過大家竟然無催我走,love u all, my family~
係後來去到遊樂場先開始專心影細路XD
動物園完全沒有臭味
可惜機動遊戲區正在維修…
其實我地只係行左2/3,上網check詔原來仲有兒童交通安全體驗館、火車展覽場、八角堂miss掉…
行到尾我開始覺得喉嚨痛,又有少少沾寒沾痛…呢個蘆薈汁飲左幾舒服~

呢個月份去韓國一定要帶多件唔厚唔薄既褸,因為4點太陽漸收就會好涼,超易中招~


[4]

3年前騎馬果到係台中唔係墾丁...

免費既公園都咁正...好想去啊~~~


[引用] | 作者 Koko | 2nd Jul 2014 | [舉報垃圾留言]


wakaka又記錯我...

[引用版主回覆] | 作者 白雪 | 15th Jul 2014

[3]

哈哈... 終於都可以留言喇!
呢個公園我未去過丫~ 好多地方我都想去, 你介紹左就岩喇~ 等我可以去下d新野! 雖然係for兒童, 但係我覺得都岩我去影下相! 等我記低佢先! thanks ar! >3<
「鱷魚頭馬騮底」堅好笑丫! 呢隻好睇過海馬公園果d好多好多耶! XDD
我要再去再去再去又再去呀))))))


[引用] | 作者 mag (馬姬) | 2nd Jul 2014 | [舉報垃圾留言]

[引用版主回覆] | 作者 白雪 | 15th Jul 2014

[2]

等住睇, 努力加油. 我都plan 緊暑假去


[引用] | 作者 siuwai | 1st Jul 2014 | [舉報垃圾留言]


多謝! 我盡力!

[引用版主回覆] | 作者 白雪 | 15th Jul 2014

[1]

呢個公園真係好正,攪到我好想出年再去多次呀~
韓國國民,笑屎左XDDD

Christine
[引用] | 作者 Christine | 28th Jun 2014 | [舉報垃圾留言]


你韓國夏天冬天唔同玩法~

[引用版主回覆] | 作者 白雪 | 30th Jun 2014