香港新浪網 MySinaBlog
« 上一篇 | 下一篇 »
白雪 | 11th Jun 2014 | ●•出走雪堡•● | (6535 Reads)
食完早餐,就出發去大人細路都熱切期待的溫泉水上樂園。

韓國近首爾有不少水上樂園,trip前慈母有細心搜查過下面四個有名的樂園:
加勒比海灣
利川溫泉樂園
熊津娛樂城
ONE MOUNT水上樂園

雖然大家都有溫泉有滑水道,不過加勒比、熊津和One Mount的滑水道主打巨大刺激型,One Mount的某些滑水道亦有高度限制(110-120cm以上),到時細路大人分分鐘只能望梅口渴;
另外,調查得知並不是所有溫泉水都兒童適宜,所以一直擔心處男boy和anson會被溫泉水整個浸熟XD;
而利川主打設施泉水走『親子共遊』路線,有兒童溫泉池、防夾手滑水道、Garra rufa體驗場、孩童遊戲空間等;同時又有婆婆想試的護膚舒緩湯,公公想玩的火汗蒸幕等;

加上四個溫泉樂園中的明顯價格比較:
加勒比海灣→成人W50000細路W40000左右
利川溫泉樂園→成人W30000細路W20000左右
熊津娛樂城成人W45000細路W35 000左右
ONE MOUNT水上樂園成人W50000細路W40000左右

所以即使前一晚烤腸阿猪媽有評論利川『無咩好玩』,我們還是決定先向低難度挑戰,向利川出發~

入正題,由首爾去利川樂園,我是跟隨呢個blogger資料去的
小游的攝影和游泳世界

雖然早上有一班直達車,但為求睡到飽,我們決定慢慢食完早餐才坐地鐵起行~


坐2號線到江邊站後走到對面巴士客運站買票,票上都很清楚寫明站頭號碼和座位號碼,真係無有怕;

上車前一班餓鬼又在車站士多買吃;


野飲小吃大量;

躉試食『nana』,味道同港蕉沒什分別~

車程約一小時,有流動wifi團友們各自上網吃零食看風景打發時間; 

到達利川,一行8人在客運站分頭找所謂的『第一銀行』,準備乘坐所謂的『免費接駁車』;奈何只見韓文處處,跑遍客運站四邊100米都得個桔,家丁言之鑿鑿看到『銀行』物體但卻鑽破地面都找不到接駁車的痕跡;
於是到慈母出馬,我首先爬上兩輛公車向司機阿吱C展示手機裡的Termeden照片,再以流利體語解話,阿吱C果然一看就明呀但就回以流利韓語,結果慈母只好裝聽懂說句感謝便快速走人;
後來轉戰一班學生妹,奈何國語溝不通,英語又太簡單不夠解碼…
受夠了我們最後決定坐的士。

約一張紅衫魚的車程,我們終於到達Termeden,看到跟blogger網頁上一樣的相片內心超感恩~ 

買票後上一層就是樂園入口,進入樂園要先脫鞋check bag,男女各自更衣後就直出泳池,哇!好正丫~~~~

 先浸浸呢個血色藍梅泉,睇阿躉個樣就知道呢個體驗有幾新奇; 

玩了一會室內泳池,就轉戰室外,哇!仲正丫~~~~~~~~~~~~~~ 
左面有涼亭湯、汗蒸幕,中間是兒童滑梯戲水池,右面是仿石滑梯,還有兩個泳池;

因為韓國5月天氣還是暖還寒,躉玩了幾轉滑梯就會叫:『可凍呀!可凍呀!』 

於是我們就會帶躉跳入涼亭湯暖身; 


就這樣浸完又sir sir完又浸地冰火相交;

不斷過冷河的躉肉質超爽脆~ 

起初要拖著我們玩的躉;


到後來索性自己行上去玩;好大膽! 

 

而Anson和兩個妹喪玩呢個激流滑梯,anson話呢個滑梯超刺激; 

呢個藍莓泉比涼亭泉溫度稍微高一點~ 

影帝浸緊呢個是檸檬泉,溫度又再比藍莓泉高;最後面的就是溫度最高的花泉~ 

公公先玩沖身再完火汗蒸幕(係咪掉轉左?) 

我又溜阿妹s一齊影美人曬月圖~ 

之後,大家就到小食部補充體力,樂園室內所有消費無需付現錢,只要用locker key 『do一do』便可,花錢花得相當痛快; 

從餐廳出來,就被細路發現左手邊的Garra rufa,一次W5000玩20分鐘,三枚小孩就『do一do』進場體驗; 

一伸腳進去魚仔就過來開餐~ 

甫伸腳落水,怕痕又怕痛但又貪玩的細路即時有『反應』,踢腳fing手七情上面,也有出於好奇用手觸摸一下小魚; 

手一伸下,secure姐姐就衝進來做出十字死光手勢,後來知道慈母不是韓人,就再用英語向我下warning,原來這都是體驗場大忌(!)那一刻不得不承認自己是中國人… 

玩完Garra rufa,細路便跑回室外,誰知一跳進水就聽到廣播說室外場要休閉,唯有留在內池游水;
婆婆已經在休憩椅上大休息,公公就去玩按摩池; 

細路就被吸進這個『旋渦』>游進入口就會沿著人工水流向前進,幾funny~ 

不過轉戰室內之後,游泳猛將anson就玩得非常不爽,因為原來樂園又有規定,某身高以下的孩童必須穿著救生衣;
游泳猛將就埋怨:著仔救生衣點游jack?~~~
好幾次偷雞都蝕渣米,被救生員哥哥吹銀雞警告… 

玩了四個多小時,大家盡興而歸~ 

後記:回程終於上到所謂的『免費接駁車』回客運站,上車不久,我才記得自己臨走無check locker(!),帽子漏低了,新買的相相機漏低了(!!!),公公即時喝停司機叔叔,我和公公下車折返,慈母差不多要暈到當場,相機事小(可以claim保險嘛),呢兩日D相事大呀(!!!!!)

回到樂園好辛苦用體語解釋來意後由清潔ee引領返回locker,閉上眼等待ee打開櫃門,打開剎那相機就跳出來跟我相擁而泣,嗚…………媽咪我以後唔敢啦……… 

(待續…) 

士多仔D野飲野食都ok呀!不過買太多食唔哂~
零食check bag時全部被沒收(!)走前先比返你,時間岩岩好大家上車後超肚餓~
樂園確實收費如下:

Garra rufa的secure姐姐好令女丫~
後來anson都有脫掉救行衣游了一次來回,可能有感動到救生員哥哥,之後就無再聽到銀雞叫~
難道韓國小朋友都唔學游水?
婆婆好enjoy浸湯泉,完全無離開過仲問可唔可以encore?
公公在火汗蒸幕睡著了,嚇得我以為佢暈鬼左!
6日行程,團友給分最高係呢日!
樂園免費提供毛巾、護髮護膚、梳理吹頭用品,非常貼心方便,超讚!
但救生衣就要額外收費,亦沒有發現洗頭沖涼用品~
什麼Ball pool、幼兒溜滑梯、迷你人工岩壁、TV視聽室、天空庭院都無玩到,唔夠時間丫!
好彩婆婆提醒我先去check bag,否則返到首爾先發現無左部相機真係唔知點算!
公公安慰我話如果喺大陸就渣都無,但韓國9成喺度唔駛驚!
回程買了一盒士多啤梨,超級甜丫!!

 


[6]

你们在利川住在哪里?有没有酒店有关信息,谢谢


[引用] | 作者 杰西 | 8th Dec 2014 | [舉報垃圾留言]


我們是即日來回首爾的^-^

[引用版主回覆] | 作者 白雪 | 28th Jan 2015

[5]

請問如果凍天去,室外有野岩小朋友玩嗎?


[引用] | 作者 alice | 23rd Sep 2014 | [舉報垃圾留言]


唔清楚啊,因為我都第一次去呢。。

[引用版主回覆] | 作者 白雪 | 28th Jan 2015

[4]

嘩嘩嘩~~呢個水上樂園真係好正呀..肯定4少同QQ超LIKE..
你真係好彩, 搵得番個相機!唔係就真係..有排喊!

Christine
[引用] | 作者 Christine | 19th Jun 2014 | [舉報垃圾留言]


係啦...好彩喺韓國唔係喺大6

[引用版主回覆] | 作者 白雪 | 19th Jun 2014

[3]

哈哈... 原來我無話你知... 小朋友係一定要著救生衣架?! 同埋... 救生衣係要租架, 乜我又無話你知呀? wakakaka... 唔迫你地租, 佢地又邊有收入呢? 傻豬黎嘅! XDD
Garra rufa... 呢個體驗好正喎! 有機會我都要玩下至得! 我舊年4月去OCEAN 700果個水上樂園, 因為實在太凍喇, 室外得果7度, 我兜個左圈就閃番隔離酒店休息LU...
韓國士多啤梨真係超甜超好味, 但係帶返香港就一定會爛, 所以都係喺果邊食最好喇~
搞咩咁高興連部新相機都唔要呀? 好彩搵得番啫! 唔係喊屎你咯~ 話時話... 有無比王子串你大頭蝦呀? XDD


[引用] | 作者 mag (馬姬) | 12th Jun 2014 | [舉報垃圾留言]


你無講呀...不過我地都帶左躉果件,但anson無諗過要囉,激氣!
係啦本來買多盒做手信架我!但真係爛,所以機場食哂lu...
佢點只串我, 佢用眼神處決左我啦!!

[引用版主回覆] | 作者 白雪 | 18th Jun 2014

[2]

旅行總是想做的多,時間太少!呢日行程老少咸宜,大大細路都勁like!
韓國士多啤梨真真好味,食到唔停得囗!

QQ 媽咪
[引用] | 作者 QQ 媽咪 | 11th Jun 2014 | [舉報垃圾留言]


係啦!不過玩唔夠就留下次,橫掂我實會再去~~

[引用版主回覆] | 作者 白雪 | 11th Jun 2014

[1]

真係有驚無險喎! 好在揾得番~
個温泉好似幾好玩咁,記低先.

韓國士多啤梨超好食架!

Can
[引用] | 作者 Can | 11th Jun 2014 | [舉報垃圾留言]


好彩啦!唔係之後幾日肯定無哂心機玩!

[引用版主回覆] | 作者 白雪 | 11th Jun 2014