返到堡壘，由於米爺巨駕光臨，便叫喚弟弟eason一同迎賓。
雖然已經立秋，但剛才喺公園熱到幾乎要中暑，其實夏末初秋最好的遊戲還是在水中作樂；
小朋友喺堡壘泳池暢泳，我就同米太婆忙住行出行入準備晚餐，煲湯，醃肉，洗切；
兩對手，出品了四個家常菜：
〔壯腰補腎〕湯 - 屬堡壘存貨湯包，加猪月展肉煲約1.5小時；anson ba話煲湯最好落猪月展或枇杷骨，那湯便不會過份油膩。
36蒸水蛋 – 第一次蒸得如此成功！秘訣是要用錫紙蓋好加上用慢火蒸，打開錫紙時看到滑溜溜的蛋面，我同米太婆高興得跳起來！
蕃茄煮牛肉 – 不過不得失，蕃茄唔夠靚所以餸汁略酸，下次要落多半茶匙糖。
西蘭花炒魚菘 – 米爺應該頗欣賞呢味餸，見佢食左好多！
茄汁蝦碌 - 用急凍蝦，anson ba話個汁夠惹味。
白飯 – 米太公負責〔睇水〕，軟硬適中；米大師話米身愈長愈吸水，各位煮婦切記！
甜品 – thomas火車玩具，米太公太婆真太客氣了！
晚飯時，大家言談甚歡，米太公更拿出跟米太婆的拍拖趣事來〔加餸〕，真搞笑！
