某日，米太婆開左個plurk topic討論全職母親如何料理晚飯問題；正當大家七嘴八舌之際，我便膽粗粗邀請米太婆來我家作客，互相交流一下厨藝。
本意是唬嚇米太婆，但竟博得一次跟米爺獨處的機會，〔哂冷〕有時都幾有功效！

於是上星期六，約好先到馬安山公園逛逛，然後一齊買餸返家玩煮飯仔。

正午陽光充沛，六個傻人竟然去公園玩！
正呀！！！！無人！！！！
不過個太陽仲正！曬到正一正！

anson好似唔係好認得米爺，相反米爺就好鬼熱情，捧住anson個籃球老跟著anson，笑起上黎眼瞇瞇，雙下巴原形畢露，米爺真像技安，然而他是友善可愛版！

攀爬（各自各）和追逐（大人追細路）一會後，兩個小朋友已經面紅耳赤，於是便停下來灌灌水，否則中暑都有知。

或是因天氣關係，當日公園的草坡看上去特別翠綠，就似人造草皮一樣；
米太婆提議到草坡上玩踢球，我們找到了一片樹蔭下的草地；雖然有部份被賓賓佔據了，但總比乾煎好！

公園行之後去買餸，可是已經無力在擠擁的街市搏鬥，所以我決定去百雞超級廣場解決；
三爬兩撥買下幾種〔家常小菜〕的材料便回家去。

（待續．．．）

by米太婆 - 再訪白雪家