香港新浪網 MySinaBlog
« 上一篇 |
白雪 | 19th Nov 2015 | ●•۰·戰隊出更·۰•● | (338 Reads)

時間一轉就來到2015年尾聲,無錯丫慈母最近又癮起寫Blog,大家要準備好我連串的文字攻擊啦!

上星期日,戰隊相約到西九龍海濱長廊聚會;



 



 

西九海濱有咩好?

好在可以有單車租、有單車徑、有草地、有海景、可以放狗和放細路;


咁西九海濱有咩唔好?

車位少呀!到埗時見到呢條車龍令慈母相當火大!


最唔好還有嚴重缺乏可供遮蔭的大樹,呢日我們根本就是在沙灘搞派對,只是大家都wrong dressing而已;


仲有呀!慈母發現西九蟻患相當嚴重,當日我坐在車場旁的草地上擔當戰地記者,歷時還不夠10分鐘,突感手指疼痛,然後細看原來被antman襲擊,最後偷影唔到一身蟻,可憐的慈母...

唔知蔥頭有無比蟻咬呢?


呢日西九有一個名為『自由約』的活動,有音樂表演、攤位遊戲和小物販賣,五光十色的,然而當你被兩隻眼前只有單車的怪獸牽絆著,一切就只能走馬看花;


然後臨走前見呢個攤位人龍尚短,就推兩隻怪獸上前略玩,結果就做了兩隻『真竹』蜻蜓;


因為約會是即興的,大家都無為野餐準備,所以當我見到隔離墊的遊人又香檳又parma ham、又壽司又西瓜,我們墊子空蕩蕩的時候,隻眼瞬間冒火,羨慕入骨~

(突然我明白antman的由來了...)


不過,當太陽開始落山,長廊就回復清涼,戰士們由頭玩到尾,其實怕熱怕曬的只是我們班老弱大人吧?


後記(亦是本文重點):

前兩日食戰母飯後坐火車回家時哲媽提起,當日anson和哲哲飆單車後一齊嘆汽水,哲哲弟底初一就望住阿哥的罐底望梅止渴,然後anson一個好兄弟上身跟哲哲說:『喂!你唔可以咁對個細佬架,對細佬好D,比D佢飲啦!!!』

慈母聽到後差點淚染東鐵,Aidan呀!!哥歌係打從心底錫你架…


*anson知道哲哲出席好開心高呼:『好野!』


*排排下停車場突然管理員叔叔開放另一邊爛地,所以有一湧而入,隔離車司機哥哥話可以大安旨意免費泊車,但慈母還是乖乖自首拎入閘紙;結果離開時無票者道大排長龍(!)好心有好報呀~~~

*慈母捨命博躉一笑壯烈犧牲,有圖有真相呀我幾偉大!


*三年了…躉睿仍然是維持『相愛很難』的關係,我和襯家99唯有繼續活在幻想裡~

*我影得好少相,多得maggie ee全程戰地跟到足!