又比人炸．．．呢排都好熱氣下～～

睇完lin兄間maid cafe，醒神哂！不過如果阿lin老闆可以請d靚仔侍應，到時靚仔靚女侍應齊集，我一定會舉家黎幫襯！嘩卡卡卡卡卡卡卡卡卡卡卡卡卡卡卡卡！！

好喇，究竟雪姑要開間咩店子好呢？
(1) 你想開什麼店子？
因為坊間好難搵到有型有款既bb衫，所以我想要一間專賣bb clothing既店子。
所有衫仔都會由雪姑親自設計，會用最舒適的全綿布料，加入型入格既設計；
片片、頭飾、內外衣物、鞋仔、accessories都應有盡有。

(2) 店子的室內佈置是怎樣的？
好似小人國咁；所有display架架、鏡鏡、fitting room同cashier位都會做到最方便bb既高度，仲會有一個playground，一個小小canteen供應雪姑愛心美食，有得買，有得玩，有得食！
店子會有幾個比媽媽休息既high tea room，媽媽可透過玻璃望到bb。

(3) 你的目標顧客是什麼人？
6歲以下既bb。
識行識爬既bb就可以自己入黎買衫襯衫，揀選自己最中意既clothing。媽媽可以喺魔法玻璃後面睇住bb。

(4) 你會選在什麼地方開店？
屋企隔離果棟house全棟。

(5) 營業時間？
12點至6點，bb訓飽食飽最精神既時間；亦係最理想既工作時間。

(6) 你會親身到店內打點嗎？
梗係會啦！

(7) 你會使用什麼宣傳策略？
叫anson請哂佢d bb朋友仔黎開party，一傳十，十傳百！

(8) 遇上麻煩的顧客時，你會怎麼辦？
叫返佢阿媽入黎！

(9) 假設生意成功，你會擴充規模開分店嗎？
唔會．．．只會擴充棟house，加建。

打完呢篇文抽離唔到，成個人好開心半天吊，好想即刻辭職。
雪姑好想知koko、莎莉同Fayepig會想開咩店子呀！接砲丫唔該！

今次炸雪姑的是藍秋哥哥，嗯．．．有陣陣燶味～～～
接著翻查email，咦?原來雪姑都收到sina admin既invitation email架．．．
節錄自MY STRONGMAN：

MySinaBlog三週年記念，MySinaBlog為了這個咁有紀念價值的特別日子，更以 Blog Tag 遊戲形式舉辦了這次「接龍專訪」，先由 MySinaBlog 訪問數位 MySinaBlog Blogger，然後再由 Blogger 揀選其他三至五位 Blogger 來一起分享寫 Blog的心得和對 Blog的一些感覺。

MySinaBlog 三周年紀念接龍專訪 Blog Tag 遊戲形式，是完成以下六條您對寫 Blog 的心得和自己對 Blog 的感覺問題，完成後再邀請三至五位您心目中的 Blog友仔來一起參與。

1. 你寫Blog有多久？ 最初為什麼會有開始寫Blog的念頭？
斷斷續續地寫，應該有四、五年時間之多了；曾經寫過YAHOO、MSN BLOG，後來學懂了用MAGIC MAKER，又偶然地看到KOKO的BLOG，得知只有SINA才support MM處理過的相片，所以把心一橫把所有在YAHOO和MSN BLOG裡的文章都搬過來，實行一次〔白雪移動城堡〕，從此便專心一意在這裡拓展我的blog事業了。

2. 寫Blog至今，最難忘的事是什麼？
最難忘是一番心血寫好了的文章，在click儲存時．．．hang機了，什麼都沒有了，所有心機都白費了，還要重頭再打過，還要有些內容忘記了又想不起，那一刻，雪姑很想殺人！

3. 你覺得寫Blog最重要的元素是什麼？
最重要是有！有心才會把文章寫好，寫得令人明白，寫得生動有趣，寫得引人入勝。在開放的網路上寫blog，都是給人看閱的，如果只是隨隨便便寫一堆只有自己才明白的文字，那就不需要開blog，自家寫在電腦裡好了。

4. 請用一個詞語 / 東西形容你的Blog。為什麼會有這樣的想法？
一座堡壘。
在設立文章分類時就已經這樣想了；因為這裡是記載雪姑family的生活事，所以有後花園、bb房、厨房、書室、孤兒院；希望將來還會有學校、戲院、餐廳、shopping mall，成為一座多元化多功能的堡壘．．．嘩卡卡卡卡卡卡！

5. Blog在你的生活中擔當著什麼角色？
是一個organizer。
雪姑記性不好，但又很想記下生活事好讓將來回味，所以便用文字圖片記下來，患上老人痴呆也不怕～

6. 你覺得自己和MySinaBlog的Blogger們有著怎樣的關係？
727前是筆友，大家都用文字相片來表達心情和關心對方。
727後，會不會成為真正生活上的朋友呢？

好！又到炸人時間！
麻煩maggie，koko，lin兄，熙媽，杏子接砲丫～～

還以為這個傻更更anson只是撞彩，雪姑還已經寫好了一篇搵monkey撞彩記；

今朝anson早了起床，雪姑濛濛瀧瀧地抱他到大床，半睡半醒隨口問anson『monkey呢？』，誰知anson又爬上枕頭上拍拍那monchichi圖案，還甚有睡意的我精神為之一振彈起來擁著anson，哈！

之前和grace契媽晚飯，她說她在姪女8個月大時，曾經玩過一個遊戲：她抱著姪女，捉著她小手指拍相簿上的熊貓，重覆讀了二、三十次『panda』，過了一會問回姪女『panda喺邊呀？』，姪女竟伸手拍拍相簿上的熊貓。
所以別看小他們，外表傻更更，他們是會失驚無神恭喜你的！哈哈！